Dál viimmat dat lea boahtán:

Čállit: Lotta W Stoor & Ville Söderbaum
ISBN: 978-91-977056-1-5
Girjelágádus: Stoor Sthlm
Siidolohku: 256
Sulliihaddi: 220 SEK
Almmuhanbeaivi: golggotmánu 1. beaivi 2008

Girji 100 nordsamiska verb (100 davvisámegielvearbba) lea ávkin buohkaide geat beroštit sámegielas: sihke easkkaálgiide ja giellačehppiide. Jos don hálidat čállit oanehis cealkaga Facebookii dehe čállit olles nákkosgirjji sámegillii de sáhttá dát girji veahkehit du vánddardit vearbbaid fantásttalaš máilmmis.

Mii leat sojahan juohke vearbba 130 hámis ja girjji addá geavaheaddjái ollislaš gova davvisámi vearbasojahansystemas. Girjjis gávdno maiddái okta oanehis muhto rikkes grammáhtalaš manuála ruoŧagillii mii giehtadallá buot vearbahámiid buriin čilgehusaiguin dássemolsašumiide, vokálarievdamiidda ja loahpakonsonánttanjuolggadusaide.

Diŋgo girjji sádden bokte ovtta maila stoor.sthlm@gmail.com-čujuhussii. Ja dál golggotmánus de máksá girji beare 190 SEK, de doama doama ;)

Blogget sámegillii SameNetas

Sámigiella fierpmádagas

SameNet-vuogadagain lea álkit bloggegoahtit fierpmádagas. Blogga lea dán áigásaš gulaskuddan- ja dieđihanvuohki. Dálgo sáhttá geavahit sámibustávaid SameNetas livččii vuogas jos ihtigoađálivčče eanet árgabeaivvečállosat sámigillii, govat jna. Interneahtas.

Webba ja BloggaSameNetas

Lea álkit geavahišgoahtit blogga dahje ruoktosiiddu SameNetas. Go leat loggan SameNetii ii leat go rahpat báikki (konfereanssa) mii lea namahuvvon "Web Publishing".

1: Web Publishing. Dan báikkis gávnnat oasi

a) Ođđa webb-siidu (jos háledat webbassiiduin bargagoahtit vállje "Welcome", jos dušše háledat bloggat de raba "Blog")

2: Blog - raba dan ja álgge blogget:

a) Deaddil boalu "ođđa bloggadieđáhus" (Nytt bloginlägg)

á) Čále maid háledat, seastte maid govaid jna. jos siđat

b) Ovdalgo guođát čállosat de seasttát dan.

c) Blogga lea fierpmádagas.

Blog- (dahje ruoktosiido-) čujuhus šaddá: http://www.same.net/~dualiasSameNetas/

Omd mu ruoktosiidočujuhus lea: http://www.same.net/~biette

Gos dán gávnnat Interneahtas?

Dutnje soaitá leat álkit gávdnat iežat blogga.

Gávdnetgo iežát du blogga? Ii dáidde leat nu álkit iežáide diehtit du aliasnama. Sáhtát dieđusge dieđihit dan dán dahje iežá čujuhussii nuláhkái go mon lean dahkan.

mu Blogga

Mii dárbbašit árgabeaivvečállosiid fierpmádahkii.

Dearvvuođat

Per Stefanis

--------------------------------------------------

Bargui +46971 440 04

Ruoktot +46973 415 00 dah. +46971 10421

mobiila +467036 41510

Sámegielat bárá-eahket Sthlm:as

Bearjadaga jurddašeimmet deaivvadit ovtta Söderbárás sámástan dihte. Čiežaáigge álgá deaivvadeapmi - mii ii leat formála, muhto baicce beara suohttasa dihte - ja joatká logiáiggi rádjái dehe ain guhkibut, jos olbmuin lea miella báhcit. Jurdda lea ahte don gii hálidat sámástit amas ja ođđa olbmuiguin beasat dan dahkat. Bures boahtin! Boađe don maid!

Báiki: Söders hjärta, baren, Bellmansgatan 22b
Áigi: 19-22 bearjadaga geassemánu 13. b. 2008

// Ville

Dán vahku polla

Gii lea čállán čuvvovaš cealkaga iežas bloggas? "Ibland kanske jag är lite väl uppe bland molnen, Lapponaut som jag är."
	Victoria Harnesk
	Peter Rodhe
	Lars-Nila Lasko
	Ville Söderbaum
Free polls from Pollhost.com

Áilloš: Yoikur

Jos muitibehtet Madonna "Confessions on a dancefloor", ja jos liikobehtet dasa, de soaitibehtet liikot vuosttaš lávlagii Iŋgor Ántte Áilu Gaupa skerrus: Yoikur (Dáidu 2007). "Consolation" lea namma eŋgelasgillii - in ipmir manne, muhto ipmirdan ahte dát lea buorre Sámi musihkka. Hui buorre :)

Ja omd njealját lávlla lea maiddái dakkár elektronica-world-musihkka, mii heive nu bures Áilloža juigosii ja lávlumii.

Lea maiddái hui somá gullat ahte duostá lávlut nu čielgasit go dahká omd vuosttaš lávlagis - jienat ja stávvalat gullojit nu bures! Lea dego mánáide, muhto goitge rávesolbmuide. Dakkár, aiddo dakkár musihka mii dárbbašit - go guldaleaddji ieš dovdá ahte máhttá, ahte ipmirda :)

á á á á á
Hui buorre
(Skearru oažžu njeallje gahpir-á.)
/// Villle

Sámi vahkku

Mon dušše háliidan dadjat ahte boahtte vahkku lea Sámi vahkku dáppe Stockholmmas... Ii leat dušše Sámijienat mat bohtet muhto maiddái Sámi teáhter, mii cájeha "Tant Blomma" -nammasaš bihtá Lulli teáhteris (=Södra teatern) otnážis gitta gaskavahkkui...Mon aiggon mannat gaskavahku...Bohtet dii nai!

Govven: Hans Olof Utsi

Dearvvuođaiguin Gádja

Doaktárnákkáhallan: Karin Wilson doktorere

Karin Wilson bealušta boahtte lávvordaga (miessemánu 24. b) nákkogirjjis Markusevangeliet i Lars Rangius samiska översättning från 1713, mainna doaivumis ollá doaktárgráda.

Vuostenákkáhalli/opponeanta lea Håkan Rydving, Universiteahtta Bergenis, Norggas.

Sadji: Ihre-sálla, Engelska parken, Hus 21, Thunbergsv 3, Uppsala
Áigi: 10.15
Giella: Ruoŧagillii

Ođđa girji: "100 nordsamiska verb"

Geassemánu vuosttaš váhkus boahtá ođđa vearbagiehtagirji davvisámegielat vearbbaiguin. Jurdda bođii girjjis "Verbh. En sydsamisk verbhandbok" (Uppsala Publishing House 2007), maid Frändén-Lundqvist-Wilson leat čállán. Davvisámegielveršuvdna, maid Lotta Willborg Stoor guovttos Ville Söderbaumiin leaba dál válbmeme, sisttisdoallá 100 vearbba, ja namma lea dasto: 100 nordsamiska verb. Juohke vearba oažžu ovtta leabbadasa/uppslag, mas vearba čájehuvvo badjel 130 hámis.

Girji lea juo dál diŋgohahtti - čále beare maila lágádussii mii addá olggos girjji: stoor.sthlm@gmail.com.

Girji lea vuosttaš oassi Áppes-nammasaš girjeráiddus, ja atná danne vuollenama Áppes 1.

Govven: Lotta Willborg Stoor

Unnán sámit lohket

SR Sápmi lea opiniuvdna-iskosis gávnnahan ahte unnán sápmelaččat lohket sámegielgirjjiid. Sin ruovttosiiddus eai oidno jearaldagat mat adde dan bohtosa, eai ge vástidan-evttohusat. Čielga boahtá goitge oidnosii dainna iskosiin ja artihkkaliin ahte problemat gávdnojit. Berrešii meastta dadjat ahte sámegielat analfabeahttavuohta leabbá Sámis.

Loga ášši!

Sámi jienat Stockholbmii!!!

Guovdageain-basert kora Sámi jienat, mas leat mielláhtut juohke Sámi riikkas, boahtá Stockholbmii lávlut/juoigat Vox Pacis-nammasaš oktavuođas. "Vox Pacis" mearkkaša "Ráfi jietna" ja lea ekumenihkalaš musihkkabihttá mii bistá máŋga beaivvi borgemánus. Juo dál miessemánu loahpas álgá goit dáhpáhus muhtin muddui. Vuođđoášši lea sivdnidit homofiillaid partnervuođa, vai olle seamme dássái go náitaleapmái.

Loga ášši Stockholm Sámi searvvi ruovttosiiddus! Dehe iežaset ruovttosiiddus: http://www.samijienat.com/

Konsearta álgá diibmu 19.00 ja bistá guokte diimmu. Sadji lea Sofia girku.

Govven: Lars Richard Olsen

Sápmi.se

Ville Söderbaum Stockholmmas lea oastán sápmi.se-domeana Globalinn.se-fitnodagas. Ii máksán go 149 kr ja dál oamasta ovtta dain Ruoŧa divraseamos domeanain.
Govven: Tobias Berving

Bures boahtin!

Bures!

Dá lea vuosttaš ášši Sápmi.se-net-aviissas. Sápmi.se lea okta sámegielat aviisa Ruoŧas mas buohkat geat ieža hálidit oasálastit čálažit teavsttaid sáhttet dahkat dan. Bures boahtin!